Letter to Mom - Letter 2

Sapane aur apane........vaqt ke saath apana roop aur artha dono badalate chalein jaate hain...........

Is intellectual world mein intuition kitana maayane rakhata hain...... Bolein to ham hamesha apani socha mein ek intellectual element laane ka prayaas karate hain. Theek hai hamane yeah soch liya par kya yeah thought baaki ke intelligent log validate kar sakate hain agar nahin to mein bhi this is stupid thought.kya aaisa baaki jagah bhi ho raha hain ? Kya in vicharon ka koi aadhar hain kya yeah sirf meri kalpana hain ? Abhagya kahein ya saubhagya lekin  ek bhartiya naari ke pass tathya nahin hote na aankade, voh apane jeevan ka saara taana bana apane aas pass ho rahein ghatana kram ko dhyan mein rakhate hue banati hai. Unake pass jaankari bhale hi na ho par samajh khoob hoti hai......

Jaisa ki computer phone banane waalein Steve jobs kahate hain , " mein jab Bharat mein tha to maine dekha ki log apane intuition ( apane aatma ki awaj) se jyada fainsle lete hain na ki apane intellect se aur jeevan jeene ki yeah kala kaaphi sarahniya hain. Simplicity may not be stupidity..... Steve jobs ke success ke kuch mul mantro mein "drive from intuition" ek mantra hain........

Mujhe yeah mantra seekhane ke liyen kahin aur jaane ki jarurat nahin hain. Mere faisale aaj bhi apane man ki awaj se hote hain aur isaki neeva meri maa hain. Ek aabhav se bhare ghar ne kabhi socha bhi nahin tha ki unaka beta English medium mein padhega, himmat karake (kisi padosi ko dekha kar hi sahin ) unhone yeah faisla liya jo meri zindagi ki saphqlta ki pahala stambha bana. Jab mein maatra 14 varsh ka tha tab unhone mere liyen Paise jodane shuru kiyen unhe kisi ne bataya nahin tha ki mein engineer banne waala hoon. Apane ko raaste mein 100 re. Bhi mil jaayein to mandir mein chada dene waali meri maa ne Mere liyen kabhi kahin dusro se madad bhi lee. In sab baaton ko peeche kaise chodun ? Aur agar chod bhi doon to yeah kaise bhul jaun ki aapni maa ke pair todane waali is bewaqta anjaam hui aulad ka janama hi naa hua hota agar meri maa duniya se ladkar mujhe paida na karati......

Tu mere jeevan ki shuruaat bhi hain aur apane jeevan ki antim saans lete hue vaasudeva ki jagah tu yaad na aayein yeah kadachit akalpaniya hain......